The OC var magnþrunginn í gær að venju. Marissa greyið á erfitt þessa daganna og leitar huggunar í vodkapelum. Be strong girl!
Seth klúðraði aldeilis kvennmálunum í gær og bað bæði Summer og Önnu um að vera bara vinir. Meiri auminginn. Mér finnst að hann eigi að velja Önnu. Hún er mun betri kostur að mínu mati. Veit samt ekki, Summer er nú helvíti vel vaxin. En reyndar galtóm að innan sem er mikill ókostur. Svo getur hann nottla líka bara skipt ef annað gengur ekki, þær virðast alveg ofurhrifnar af honum. Klæða sig eins og Wonderwoman fyrir hann og læti...

Ég er búinn að sitja sveittur (bókstaflega sko, það er svitafýla af mér) yfir stærðfræðigreiningunni í dag. Á morgun er planið að byrja að læra fyrir Greiningu burðarvirkja og massa það próf all svakalega.
Fengum teikniverkefnin tilbaka í dag og ég er bara nokkuð sáttur með það. Fékk 9.5 fyrir lokaverkefnið og 9.136 yfir heildina. Þessi einkunn gildir 70% af lokaeinkunn svo ég er með pottþétta áttu í því fagi (verð að ná prófinu, segjum að ég fái fimm: 9.136*0.70 + 5*0.30 = 7.9) svo það er ágætt. Ætti nú samt að geta fengið yfir átta á þessu krossapróf sem að sögn Orra Puds er skítlétt, en hann kennir fagið.

Í kvöld er svo stefnan að kveðja þá Neza og Bjössa sem er að fara halda í víking. Stefnan fyrst tekin til Aþenu og svo austurevrópa eins og hún leggur sig með lest. Ætlum að kíkja til Hannesar um 9 og gera eitthvað sniðugt. Fínt að slaka aðeins á í prófalestrinum.
Ég er að pæla í að kíkja til ömmu og sjá hvort hún sé ekki með eitthvað gott í pottinum og koma svo aftur hingað og lesa til 9.

fullur á sólon eða

Tík og Böl

Var í prófi í dag, Líkindarreikningur og tölfræði. 1 down, 4 to go.
Það gekk nú bara alveg ágætlega í dag þrátt fyrir almenna sátt um að prófið hafi verið í erfiðari kanntinum. Ef X : einkunn þá myndi ég segja að X væri normaldreifð slembibreyta með meðalgildi 8 og staðalfrávik 1. Eða X ~ N(8,1)
95% spábil fyrir X:
(7 ; 9)

Svo kemur bara í ljós hvort ég hafi metið stikana rétt.

Alveg dæmigert að það skuli rigna í dag. Eins og veðrið var nú frábært í gær þegar ég eyddi öllum deginum inni á bókasafni. Reyndar fórum við Steinþór aðeins í körfu um miðjan daginn. En allavega þá var ég búinn að ákveða að gera eitthvað sniðugt í dag. Þannig ég held ég hangi bara inni og reyni að mana mig upp í að halda áfram að læra. Svo er nottla OC í kvöld fyrir þá sem misstu af þættinum á mánudaginn

Svo hringdi Jón Ásgeir í mig í gær. Hann var ekki sáttur með greinina sem ég skrifaði síðast og keypti því www.blogger.com og sagðist ætla eyða blogginu mínu ef ég myndi ekki hætta að tala illa um hann.

Hej med dig, leverpostej!

Davíð og Jón Ásgeir

Mér líst nú ekkert rosavel á flokkinn sem ég studdi í síðustu alþingiskosningum þessa daganna. Ég er ekki ofboðslega hrifinn af fjölmiðlafrumvarpinu og þykir mér hatrið í garð Baugs skína einum of mikið í gegnum það. Hvað gerðist eigilega á milli Jóns Ásgeirs og Davíðs? Ég er með kenningu:

Davíð og Jón hittust fyrir tilviljun í London á bar. Báðir komnir vel í það og þeir skemmtu sér vel. Þegar barnum er lokað býður Davíð Jóni upp á hótelherbergi sitt og ætlar að bjóða honum upp á rauðvín, osta og þessi líka æðislegu vínber sem hann keypti í búð við Trafalgar Square. Hann fékk þau víst á tilboði. Nú, Jón þiggur boðið og þeir halda í átt að London Hilton. Þegar þeir koma upp á herbergi sjá þeir Ástríði Thorarensen og Jóhannes Jónsson (a.k.a. Jóhannes í Bónus) í villtum ástarleik. Það vildi nefnilega þannig til að Davíð átti að vera á símafundi með George Bush og Condolezza Rice þessa nóttina en var með símann á silent - 20 missed calls. Ástríður átti því ekki von á honum og kíkti aðeins út. Þar rakst hún á Jóhannes sem var að koma af Mamma Mia! söngleiknum. Eins og gengur og gerist með Íslendinga sem hitta aðra íslendinga í útlöndum þá urðu þau bestu vinir og eitt leiddi af öðru...
Allavega, Jóni og Dabba brá nú heldur betur og í sömu andrá labbar Hreinn Loftsson inn með svipu og byrjar að slá í rassinn á Jóhannesi. Engin tók eftir þeim Jóni og Dabba sem lokuðu hurðinni aftur og fóru að ræða málin. Báðir voru þeir sammála um að þetta kæmi sér afar illa fyrir þá báða ef þetta kæmist í blöðin. Til að forðast það keypti Jón alla fjölmiðla á Íslandi.
Eftir að þeir félagar voru komnir aftur til Íslands komust þeir að því að 4 aðilinn hafði tekið þátt í orgíunni. Jón Gerhard Sullenberger. En hann tók allt upp á vídjó og reyndi að múta Jóni Ásgeri (Sullenberger átti heima í BNA og hafði ekki hugmynd um hver Davíð Oddsson var, vissi bara að Jón Ásgeir átti snekkju). Sullenberger vill fá 600 miljónir fyrir myndbandið og Jón Ásgeir ætlar að borga honum, en honum finnst sjálfsagt að Davíð taki þátt í kostnaðinum og vill að hann borgi helming, eða 300 millur. En Davíð ætlar sko ekki að borga. Hann hringir í Björn Bjarnason og semur við hann um að senda sérsveitina til BNA í leynileiðangur gegn því að Björn fái fleiri sérsveitamenn og geti búið til míníher sem hann sem dómsmálaráðherra getur stjórnað.
Nú, Víkingasveitin fer til bandaríkjanna og nær í spóluna af Sullenberger og skilar til Davíðs. Davíð vill ekki eyðileggja spóluna heldur vill geta horft á hana þegar hann er í útlöndum langt í burtu frá konunni. Jón Ásgeir er ekki par sáttur við það og segir við hann „come on Dabbi, ég skal gefa þeir 300 millur ef þú eyðileggur hana! nei djók...“.
Nema hvað, nýi Sagem síminn hans Davíðs á það til að detta út í miðju samtali og því heyrði Davíð ekki „...nei djók...“.
Og þið þekkjið rest.

Jæja, lærdómur segið þið....

Nýtt útlit

Jæja, ég var orðinn leiður á gamla útlitinu og ákvað að breyta aðeins til. Ég keypti bókina CSS pro og forritaði útlitið í css og notaði svo proxyserverana hjá blogger til að uppfæra gömlu síðuna með API access kóðanum með hjálp weblogID. Kökusneið.
Það er samt eitt vandamál, titillinn á blogginu birtist ekki og svo sést líka aðeins í þennnan ljóta bloggerborða. Bara smá byrjunarörðugleikar hjá mér.

Annars er fínt að frétta sko. Er að lesa lík og töl núna og það er fáránlega skemmtilegt. Í gær fór ég í afmælisveislu og það enga smá afmælisveislu. Það var hann langafi minn Sigurjón Jónsson sem varð 95 ára, reyndar í dag. Hann bauð vinum og ættingjum í svakaveislu í KR-heimilinu (hvar annars) sem amma gamla stóð aðallega fyrir. Þar stóð ég í dyrunum og tók á móti fólki og bauð þeim hvítvín ásamt Sólveigu frænku minni. Nú veislan var fjölmenn og mikið af stórum ködlum. Þar ber helst að nefna Dabba kong og Björgólf Guðmundsson bankastjóra Landsbankans sem komu fashionably late en komu þó.

Eftir veisluna og fataskipti var svo haldið upp í skóla þar sem BCK og Steinþór sátu sveittir.

prúfa

það er æðislegt að geta skrifað æ og á og í og þ og ð og svo framvegis....

Andskotinn

Afhverju fokkast stafirnir svona upp?

testing á æ þ ð é

Skokk í lopapeysu?

Það finnst mér ekki kúl. Þegar ég kom heim af bókasafninu í gær um hálf 10 ákvað ég að kíkja aðeins út í góða veðrið. Of seint að draga menn í knattspyrnu þannig að ég klæddi mig í skokkgallan og hljóp næstum því vestur í bæ og tilbaka. � leið minni mætti ég konu sem einnig var að skokka. Eini munurinn var að hún var klædd lopapeysu. Ég leyfi mér að draga þá ályktun að hún skokki ekki mikið. Þess má einnig geta að úti var 11 stiga hiti (skv mælinum hjá valsheimilin).
En ég er búinn að blogga lítið undanfarið. �stæðan er sú að ég hef verið að læra eins og berserkur og tjillað þess á milli. Var einmitt að kenna bróðir mínum nýtt orð: tjilla. Hann á í smá örðugleikum með að bera það rétt fram en þess má geta að hann er 5 ára. Sjila segir hann og leist ekkert á nýja orðið. Hafði allavega engan áhuga á að sjilla með mér - hann vildi miklu frekar draga mig út í fótbolta.

Vá, hvað gerðist ekki í the OC í gær?

Horfði á fréttir áðan og varð vitni að mótsögn. Það var þannig að rektor VMA var að tala um brottfall í skólanum hans og í því sambandi vildi hann auka ábyrgð nemanda á námi sínu. Gott mál. En það sem hann sagði fyrst var að til að minnka brottfall vildi hann draga úr heimild nemanda til að segja sig úr einstökum áföngum og innleiða meiri aga í þeim málum. Nú spyr ég, er það ekki akkurat öfugt við að auka ábyrgð nemanda á eigin námi? Ég hafði haldið það.

Lesturinn gengur ágætlega þessa dagana en soldið hægt kannski. Ég er búinn að vera að glíma við stærðfræðigreininguna síðustu daga og ef það væri ekki fyrir Mallorca veðrinu úti þá væri það bara ágætt. Stefnan er að halda áfram í greiningu fram yfir helgi og byrja svo á Lík og kvöl á mánudaginn. � kvöld ætla ég að fara í verðskuldaða bíóferð með Bergi og hugsanlega Bjarna og sjá Kill Bill vol. 2. Ég hlakka mikið til að sjá hana, enda mikill Tarantino aðdáandi.

� einhver Placebo miða og ætlar ekki á Metallica? Hringið í 6959527....

Yfirburðir

Það eru greinilega margir sammála mér um nýju snilldina á Skjá einum

(sjá skoðanakönnun til hægri...)

Var að prenta út lokaverkefnið mitt í tölvuteiknun. Ég er búinn að vera hérna uppi í Iðnskóla í 12 tíma núna og er ekki alveg nógu sáttur með útkomuna. En ég einfaldlega nenni ekki að eyða meiri tíma í þetta. Restin af vikunni verður helguð greiningu...

Leiðinlegt að missa af the OC annan mánudaginn í röð, en sem betur fer er þátturinn endursýndur á fimmtudaginn og sunnudaginn. Bannað að segja hvað gerðist! Hvenær ætli þættirnir komi út á DVD hér á landi...?

Djö, allt í fokki í útprentunni! :/ Nóttin á'etta eða?

�rshátíð

Ég skellti mér í sund í gær, letisund. Synti ekki fet heldur hékk bara í pottunum og gufunni og fylgdist með liðinu þar. Það getur oft verið mjög áhugavert. Allavega þar mætti ég ÓP (down for whateva?) sem spurði hvort ég kæmi á morgun (í dag). Ég hélt að hann væri að spurja hvort ég ætlaði að mæta í vinnuna, en undraði mig á sama tíma á handarhreyfingum hans sem gáfu tilkynna að hann ætlaði á fyllerí í vinnunni á morgun. Hann semsagt þottist vera að drekka og brosti út að eyrum, sólheimaglottið. Hann var þá að spyrja hvort ég kæmi ekki á árshátíð �TR sem er í kvöld. Ég var búinn að steingleyma þessu, enda ekki hægt að taka rót af áhuga mínum á þessari hátíð þar sem hann er í mínus. Reyndar er það hægt en þá fæst tvinntölulausn en við skulum ekki fara nánar út í það. En nú að góðu fréttunum: Laugin lokar klukkan 17 og opnar ekki fyrr en 10 á sunnudaginn. Sem er æðislegt fyrir mig, snemma búinn í dag, byrja seint á morgun.

� gærkvöldi gerði ég ekki neitt, glápti bara á sjónvarpið og svo reyndar raðaði ég aðeins í möppur. Heimadæmablöð og svoleiðis. Planið í kvöld er að halda áfram að teikna húsið mitt í AutoCad ADT og svo vonandi klára það á morgun með tilheyrandi útprentun í A-2.

En ég er að pæla í að drulla mér niður í vinnu. Bið að heilsa ykkur!

Bus.is

Það er fátt meira pirrandi en strætó á undan áætlun! Ekki það að ég sé alltaf að lenda í þessu, en það kom fyrir mig í dag. Var að labba meðfram Suðurgötunni þegar ég sé sjöuna í hringtorginu. Ég lít þá á klukkuna og hún er 17.00 og skv þessu á sjöan að leggja af stað frá lækjartorgi 17.00. Þannig að ég þurfti að bíða þarna í ca. 20 mínutur. Eins gott að ég var með Credence með mér. Var þetta ekki skemmtilega saga?

Ég er núna að teikna Búland 9 í þrívídd. Það gengur bara alveg skítsæmó. Soldið hægt reyndar en Róm var ekki byggð á einum degi að ég held.

Gríðarskemmtileg helgi framundan: Vinna + AutoCad Architectural Desktop = endalaus hamingja + andvökunætur

Geðveiki

Samkvæmt þessu er ég sem stærðfræðideildarstúdent (úff, langt orð) í áhættuhóp hvað varðar geðsjúkdóma.

psycho eða?

Heavy big-time Völler!

%&!$(/"%!# þynnka.......

Ég vil byrja á að óska vini mínum Hauki og kærustu hans �stu innilega tilhamingju með strákinn! Þau eignuðust litla feitabollu í gær, 17 merkur.



þetta er nota bene ekki þeirra krakki. Bara random af google myndaleitinni...

Heyrst hefur að hann muni verða skýrður í höfuðið á tveimur merkismönnum: Björn Trausti Hauksson


Ég lét draga mig á fyllerí í gær. Ég sem ætlaði ekki að drekka fram að prófum... Allavega, þá var ákveðið fyrir nokkru að hittast eftir vinnu og fá sér bjór í pottinum. Eins konar kveðju partý fyrir okkur sem ætla ekki að vera í lauginni. Benni þykist vera viss um að hann verði ekki í lauginn í sumar og ég tel það ólíklegt. Við fengum okkur semsagt bjór þarna: Benni, Helena, Óli, ég og svo nýi gaurinn Pési. Eftir það héldum við strákarnir heim til mín í bjór og gin og tonic og svo kom Helena aðeins seinna og keyrði okkur niður í bæ. Hún þurfti nebbla að sjæna sig til fyrir Grandið sko. � grandinu var telft og drukkið og svo komu þeir Hannes og Bjössi. Einnig kom Da Chessmasta Jón Viktor og félagi hans Stebbi. Nú það er skemmst frá því að segja að ég varð drukknari og drukknari og kvöldið er soldið þokukennt í minninu. Man að við fórum á Felix þar sem ég hrundi niður stigann. Hélt samt kúlinu að sögn viðstaddra. Mér er ekkert smá íllt í bakinu núna...
Fór svo heim um 5 leytið (held ég) og fór að sofa. Svo þegar ég vaknaði í morgun kemur Guðrún (stjúpa) og spyr hvaða maður þetta hafi verið í nótt? Ég hafði ekki hugmynd um hvað hún var að tala um og þá sagði hún að það hafði verið hringt á bjölluna og bankað á glugga um 6 og verið að spyrja um mig. What the ... hugsaði ég. Fór að rifja upp: búinn að borga eiturlyfja skuldir mínar, man ekki eftir því að hafa lent í slagsmálum í gær, held að ég sé ekki hommi etc...
Heyrðu, þá var þetta *** ***** sem hafði heyrt að það væri eftirpartý hjá mér. Og hann mætti bara og ætlaði sér inn. Eftir að Guðrún hafði sagt honum að banka á gluggann minn og skellt á hann brá hann á það ráð að reyna að komast inn um hurðina niðri. Hún var læst en hann reyndi eftir bestu getu að dirka upp lásinn. Hann gafst síðan upp og fór heim. Guðrún nottla alveg skíthrædd og vakti pabba.
gaman að þessu...

Dagurinn í dag er búinn að vera handónýtur. Byrjaði 10 í morgun þegar amma og afi komu í morgunmat með páskaegg. Ég kom engu niður og fór meira segja á klósettið og ældi. Það er eitthvað sem ég hef ekki gert eftir fyllerí mjög mjög lengi. Svo loksins þegar þau fóru (ekki það að þau séu leiðinleg sko) þá lagði ég mig og svaf til 4. Fór svo í sturtu og svo í næsta matarboð. Ég hélt ég yrði ekki eldri. Gat þó étið aðeins þar. Var svo að koma heim og ég sé ekki fram á að geta lært neitt í kvöld. Þá hringir maður bara í Bjarna og Steinþór og þá líður manni aðeins betur. Þeir eru nebbla í ruglinu, horfa bara á sjónvarp dag inn og dag út...

jæja, kominn tími á aðra þynnkuskitu...

Kúkafrakkar!

Djöfull er mér illa við þennan mann:




Hjólaði niður í laug áðan og synti 1.000.000 millimetra. Fyrir ykkur sem sitja eins og nördar fyrir framan tölvuna þá er sko mjög gott veður úti => gellur í lauginni.
Þegar ég var að labba þarna á sundlaugarbakkanum að tjekka á gellunum fór ég að hugsa: djöfull langar mig í sixpack... ég meina ég er alveg með sixpack sko, hann er bara falinn og vel varinn gegn árásum. Pæling að fara leyfa öðrum að sjá hann.

Markmið dagsins hjá mér er að lesa smá í lík og kvöl fyrir kvöldmat og svo er aldrei að vita hvað gerist í kvöld. Fólk (Elísabet) segir að þetta sé aðal djamm dagurinn í páskafríinu svo maður ætti kannski að kíkja niður í bæ. Ég veit ekki samt, aðalfundurinn átti að vera mitt síðasta fyllerí fyrir próf.

Hannes fær kæmpestor mínus í kladdann fyrir að hafa ekki boðið mér á Sugababes.

Hugh Grant hins vegar fær kæmpestor plus. Ég horfði á Mickey Blue-eyes í gær á RUV. Mjög fyndin mynd þar sem Hugh Grant fer á kostum eins og venjulega. Ég var nú buinn að sjá myndina áður en hló mig samt máttlausan nokkrum sinnum. Sérstaklega í atriðinu þegar hann er með tengdó inni á veitingastað og er í hlutverki Little-big Mickey blue-eyes. „Fogeed abooudit“

Guð minn almáttugur!!!

Fór með BJ og Hannesi á Píslarsöguna í gær (nenni ekki að linka á þá, þeir blogga hvort eð aldrei). En þetta var blóðug mynd með stóru B-i og ég ekki frá því að þetta sé sú allra blóðugasta á markaðnum. Þetta var svosem ágætis mynd, svolítið einhæf kannski. Hún fjallaði bara um það hvernig aumingja jesu var laminn. Ég veit það ekki, mér fannst bókin betri...

Nú er komið páskafrí! Þvílíkt frí! Mætti hress upp í VR-II í gær um hádegi og var til 8. Eðlisfræðin sko. Gaman að því. � dag er planið að halda áfram að massa eðlisfræðina en taka svo U-beygju á morgun og skipta yfir í Lík og Kvöl.

Ég gleymdi alveg að fjalla um the OC frá því á mánudaginn. Julie Cooper reynir nú eins og hún getur að komast aftur inn í elítuna í Newport og beitir ýmsum brögðum. Hún lagðist svo lágt að ríða pabba mömmu Seths til að fá að halda veislu á snekkju. En Ryan sá þau kyssast og sagði Marissa (Coop) frá því. Coop, sem hélt í vonina um að fjölskylda hennar myndi koma saman aftur, varð kraísí og face-aði mömmuna allsvakalega fyrir framan alla í veislunni.

Svo vil ég óska Ryan tilhamingju. Hann og Coop sváfu saman í fyrsta skipti í síðasta þætti. Way to go bro! En vissu þið að leikararnir sem leika Ryan og Coop eru saman í alvöru? Rosalegt mar!




Hvað mun gerast með Seth og dömurnar? Verður það Summers eða Anna sem fær heiðurinn??

jæja, ég ætla að fara að byrja á því að læra.

Hver er þessi sjúskaða gella?

Það er ritskoðað í lauginni!!!

Fór að veiða í vinnunni áðan. Veiddi eitt stórt, brúnt og illa lyktandi kvikindi. Hvað er að fólki?!?!

Metallica á klakann!

Fór á aðalfund í gær. Það var vægast sagt rosalegt. Sveinbjörn kom og pikkaði mig upp og svo fórum við til Birkis og þaðan á Pizza 67. Þar fengum við okkur smá að éta (því það er jú ekki gott að fara á haugafyllerí á tómum maga). Við mættum síðan í Skemmtanahúsið eina mínutu í 7 og vorum fyrstir á staðinn. Svalir. Svo kom Sveinbjörn (hinn) og opnaði fyrir okkur og við nældum okkur í besta borðið, stutt í barinn og gott útsýni. Sveinbjörn (ekki hinn) var í essinu sínu allt kvöldið sem barþjónn, það var ótrúlegt að fylgjast með honum. Það var nóg af áfengum drykkjum á staðnum. 26 kassar af bjór og sterkt fyrir rúmlega 70.000 kr og það kláraðist næstum því!
Nú fyrst voru lagabreytingar, annáll og svo framvegis. Svo var komið að því að kjósa í embætti og bauð ég mig fram í embætti vísindamanns. Mótframbjóðandinn minn var fögur stúlka að nafni �rís og til að hafa jöfn kynjahlutföll í stjórninni var hún kosinn en ekki ég. Nú, ég gafst ekki upp og bauð mig bara fram í varamann og hlaut yfirburðakosningu. Ég ætla mér að vera eins og Ole Gunnar Solskjær supersub...
Svo var Birkir a.k.a Bimbi útnefndur sem atvinnumálafulltrúi. Ég hef fulla trú á drengum og viss um að hann muni standi sig vel.

Allavega, síðan var bara haldið áfram að drekka og bókasafnsdansinn tekinn fyrir. Staðnum var síðan lokað um 2 og fyrsta verk nýju stjórnarinnar að taka til. Sem varamaður á maður vist að hjálpa til. Hvað er málið með að fólk drekki aldrei nema hálfan bjór þegar hann er frír? Ég var nú frekar mikið fífl og hjálpaði aðeins til í smátíma og stakk síðan af. Fór á Nonna og svo í partí hjá formanni Globulosfélagsins (held ég). Ég var nú ekki lengi þar því BCK Zolid hringdi og ég fór og hitti hann á Hvebbanum. BCK var með tvær í takinu og í góðu stuði.
Ég ákvað síðan að gefa skít í rigninguna og labbaði heim. Gott að vera nískur. Kom heim rennandi blautur eftir 45 mínútna göngu. Kom reyndar við í 10-11 og keypti smá nesti.

Vaknaði svo í morgun og horfði á Gettu Betur sem Verzló vann. Snilld. Gaman að því. Fór svo í mína yndislegu vinnu. Þar fékk ég staðfestingu á hvað fólk er mikið fífl. Var sko að taka sýni úr potti eitt þegar kona í pottinum fer að væla: „Hann er nú soldið kaldur núna“. Núúúú, heyrðu ég skal tjekka á þessu, segi ég og held bara áfram að mæla klór. Svo labba ég aftur fram hjá pottinum 5 mín síðar og þá situr hún ennþá í pottinum og segir: „Oh, hann er miklu betri núna, takk!“. Crazyness in the brainhouse!

Svo er Metallica bara að koma! Mér líst alveg rosalega vel á það. Ætla að mæta með svefnpoka þegar miðasala hefst.

Hýrt auga fyrir beina gaurinn

Ég tók Frikka Weiss á'etta áðan og fór að endurraða herbergið mitt. Vala kíkti við og þótti það brilliant. Ég veit ekki hvað hljóp í mig. Kom bara heim úr skólanum og var ekki að nenna að læra. Ekkert í sjónvarpinu nema Bold and Beautiful og Sjáðu með fávitanum sem ég man ekki hvað heitir. Svo ég ákvað að taka til og eitt leiddi af örðu. Það er alltaf gaman að breyta til. Mér finnst ég alveg eins og nýr maður, endurnærður. Gaurarnir í Queer eye for the straight guy yrðu stoltir af mér...
Svo komst ég líka að því að það er gjörsamlega tilgangslaust að ryksuga. Móðir náttúra sér nebbla um hlutina. Það vill nefnilega þannig til að ef maður ryksugar ekki þá safnast rykið bara saman í kögglum. Og það er mjög auðvelt að taka bara kögglana og henda þeim í ruslið.


Endursýning á The OC er núna...

Ég var að koma úr skákboltanum. Hef ekki mætt lengi en þetta var bara same old. Hörku umræður um hvort Hannes hefði átt að drepa D-7 frekar en E-5. Svo hófst boltinn, eldri vs. yngri. Það fór eins og það fór og óþarfi að ræða það frekar.

� morgun er aðalfundur Naglanna. Þar verður hagnaður félagsins borinn fram í formi vökva. Þá mun líklegast ríkja góð stemning. BCK Zolid þorir ekki að mæta. Ég er að pæla í hugsanlegu framboði svo ef þið eruð Naglar og velunnarar mínir þá endilega mætið og kjósið mig :)

Jæja, ég er farinn að sofa. Bjarni ætlar að koma að sækja mig í fyrramálið fyrir greiningu burðarvirkja. Samt stórefast ég um að hann muni mæta á réttum tíma...